Осум децении од избувнувањето на Втората светска војна, Штајнмаер побара прошка.
Денес, пред 80 години, Втората светска војна започна со инвазијата на нацистичка Германија во Полска на 1 септември 1939 година. Германскиот претседател Франк Валтер Штајнмаер и неговиот полски колега Анджеј Дуда ја отвораат комеморацијата на 80-годишнината. Говорејќи на германски и полски јазик, Штајнмаер побара прошка од полските жртви на германската тиранија во Втората светска војна.
Церемонијата започна во полскиот град Вилун рано утрово во 4 часот и 40 минути, кога првите нацистички бомби паднаа врз Полска и ги убија првите цивили.
После една минута молчење, Дуда му се заблагодари на Штајнмаер за присуството, пренесува АП.
Обраќајќи се на германски и полски, германскиот претседател побара прошка од полските жртви на германската тиранија во Втората светска војна.
„Им се поклонувам на жртвите од нападот во Вилун, им се поклонувам на полските жртви на германската тиранија и барам прошка“, рече Штајнмаер на комеморацијата.
„Како претседател на Германија, сакам да ве уверам дека никогаш нема да заборавиме, секогаш ќе се сеќаваме на ова, сакаме да се сетиме и да ја преземеме оваа одговорност што ни ја наметна нашата историја“, рече Штајнмаер.
Полскиот претседател рече дека војната започнала со воено злосторство и дека тоа го уништило светот.
„Бил до тогаш тоа нормален свет кој е уништен со кршење на сите принципи на меѓународното право, Хашката конвенција. Тоа беше воено злосторство. Војната започна со воено злосторство, а историчарите тврдат дека е направена наменски. Втората светска војна го уништи целиот свет “, истакна Дуда.
Полскиот премиер Матеуш Моравиевски и европскиот официјален претставник Франс Тимерманс ја одбележуваат годишнината на Полуостровот Вестерлајп, каде се случи првата битка на Втората светска војна.
Централната церемонија ќе се одржи во Варшава и на неа ќе присуствуваат германската канцеларка Ангела Меркел, американскиот потпретседател Мајк Пенс и многу други, пренесува АП.
Претседателот на САД, Доналд Трамп го откажа неговото пристигнување, бидејќи ураганот Доријан се приближува кон брегот на Флорида.