Економијата на Германија ќе загуби над 265 милијарди долари додадена вредност до 2030 година поради војната во Украина и високите цени на енергијата, се наведува во студијата на Институтот за истражување за вработување (ИАБ).
Според студијата, германскиот бруто-домашен производ (БДП) прилагоден според цената ќе биде помал за 1,7 отсто следната година и ќе има околу 240.000 вработени помалку.
Најтешко ќе биде погодено угостителството
Се очекува вработеноста да остане приближно на исто ниво до 2026 година, кога експанзивните мерки постепено ќе почнат да ги надминуваат негативните ефекти и да доведат до зголемување од околу 60.000 вработени во 2030 година, пишува Sky News.
Еден од големите губитници ќе биде угостителската индустрија, која веќе е тешко погодена од пандемијата на коронавирус и најверојатно ќе почувствува пад на куповната моќ на потрошувачите.
Многу ќе бидат погодени и енергетските сектори, како што се хемиската индустрија и производството на метали.
Ако цените на енергијата, кои досега скокнаа за 160%, повторно се удвојат, германското економско производство би можело да биде речиси 4% пониско во 2023 година отколку што би било без војната.
Сите информации за економско-енергетската криза во светот можете да ги прочитате ТУКА.