Германија бара од ЕУ да одобри вакцина пред Божиќ

Сподели со своите пријатели

Германскиот министер за здравство Јенс Шпан изврши дополнителен притисок врз Европската агенција за лекови (ЕМА) пред католичкиот Божиќ да издаде дозвола за употреба на вакцина против Ковид-19 на Фајзер и БионТек.

Loading...

– Нашата цел е да се одобри употребата на вакцината пред Божиќ, за да можеме да почнеме со вакцинирање оваа година, истакна Шпан.

Притисокот што го прави германскиот министер за здравство врз ЕМА се однесува на вакцината што ја разви германската фармацевтска компанија БионТек во соработка со американскиот Фајзер и која веќе им се дава на граѓаните во Велика Британија, Канада и САД.

ЕМА најави состанок на 29 декември во врска со вакцината, а директорката на ЕМА, Емер Кук, рече дека нејзиниот тим работи „без престан“.

Проблем може да биде и тоа што ЕУ планира да се почне со вакцинација во исто време во сите 27 земји-членки, а Германија веќе е подготвена да почне масовна вакцинација на своето население.

Шпан исто така изјави дека Германија е подготвена во јануари да вакцинира меѓу три и четири милиони Германци со вакцините на БионТек и Фајзер, уште 11 милиони во текот на првиот квартал од следната година и дури 60 проценти од германските граѓани до крајот на летото 2021 година.

Во последните 24 часа во Германија се регистрирани нови 14.432 случаи на коронавирусот и 500 смртни случаи кај пациенти со Ковид-19.

Јасмина Тасевска

Loading...

Leave a Reply

Your email address will not be published. Required fields are marked *