31.01.2019 13:22

Фудбалер на Куманово Еуроспорт потпиша за Динамо Загреб


Осумнаесетгодишниот фудбалер на Куманово Еуроспорт Филип Антовски, е нов член на Динамо Загреб.

Филип Антовски ги помина сите младински категории на Куманово Еуроспорт, беше дел од младинци и првата екипа на „Вардар“ каде одигра неколку натпревари за најтрофејниот клуб, како и стандарден репрезентативец на Македонија до 19 години.

loading...

Настапува на позицијата лев бек, но може да игра и како крилен фудбалер по левата позиција.

Досега од фудбалската школа од нашиот клуб имаат излезено неколку фудбалери како што се Столе Димитриевски кој настапува за Рајо Ваљекано во Шпанија, и Давид Денковски –кој настапува за Академија Пандев и Репрезентацијата на Македонија У19.

Во клубот моментално тренираат околу 160 фудбалери и се на добар пат да обезбедат учество во Прва Македонска лига. Имаат учествувано на многу меѓународни турнири во сите категории,со освоени први места, медали и пехари.

Фудбалскиот клуб Куманово Еуроспорт има склучено договор и соработка со прволигашот Академија Пандев.


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments