Руската Федерална служба за безбедност (ФСБ) уапсила руски државјанин, кој бил регрутиран од украинските разузнавачки служби, а кој во јуни разнел гасовод на Крим, соопшти денеска прес-службата на ФСБ.
Во соопштението се наведува дека ФСБ спречила криминална активност на руски државјанин роден 1980 година, кој учествувал во извршување на субверзивен и терористички акт во објект на енергетска инфраструктура на Крим по наредба на украинските специјални служби, пренесе ТАСС.
Според податоците на ФСБ, на 23 јуни годинава, осомничениот разнел гасовод во населбата Кореиз, користејќи импровизирана експлозивна направа.
Осомничениот бил регрутиран од украинската разузнавачка служба за време на неговиот престој во Павлоград, регионот Дњепропетровск во јуни 2022 година, а потоа бил подложен на субверзивна и извидничка обука, по што бил испратен на Крим, се тврди во соопштението.
Според извештаите, ФСБ запленила два килограми пластичен експлозив Ц-4 од странско производство, два електрични детонатори за воена употреба, две електрични запалки и импровизирана силно експлозивно полнење во гаражата на осомничениот.
Нагласено е дека рускиот државјанин признал дека соработувал со украинските специјалци при планирање и извршување на субверзивен и терористички акт и дека се истражува неговото соучесништво во други злосторства на територијата на Русија.
Осомничениот е во притвор врз основа на законот за тероризам, се вели во соопштението.
Сите информации поврзани со најновите случувања со војната во Украина можете да ги прочитате ТУКА.