Франција го заврши повлекувањето на своите трупи од Нигер на барање на тамошната владејачка хунта, завршувајќи една година воена поддршка и предизвикувајќи загриженост за јазот во борбата против џихадистичкото насилство низ африканскиот регион Сахел.
Последните француски воени авиони и војници го напуштија Нигер до крајниот рок на 22 декември што го постави хунтата која ги прекина врските со Париз по јулскиот пуч, изјави за Асошиејтед прес од Генералштабот на француската армија.
Франција веќе најави дека ќе ја затвори дипломатската мисија во Нигер на „неопределен период“.
Францускиот претседател Емануел Макрон во четвртокот за време на посетата на базата во Јордан објави дека Франција „ќе продолжи да ги штити своите интереси“ во Сахел, „но нашата армија нема да биде постојано присутна, ќе има помалку стационарни и помалку изложени сили“.
Франција ја затвора својата амбасада во Нигер, за која рече дека „повеќе не може да функционира нормално“ поради бројните ограничувања наметнати од воената хунта.
Амбасадорот и неколку членови на францускиот персонал ја напуштија земјата во септември откако армијата му нареди на амбасадорот да ја напушти и ја блокираше зградата на амбасадата во главниот град Ниамеј, која беше нападната од илјадници демонстранти непосредно по пучот, а беше растурен од нигериските сили, објави Би-Би-Си.
Нигериската хунта го опиша крајот на воената соработка со Франција како почеток на „нова ера“ за Нигеријците.
„Нигер застана и безбедноста на нашата татковина повеќе нема да зависи од странско присуство“, се вели во мрежата „Х“.
Но, аналитичарите велат дека заминувањето на француските трупи создало вакуум.
„Нигер и целиот Сахел ќе бидат полоши“ во борбата против терористите, бидејќи Нигер се сметаше за последниот преостанат западен партнер во децениската борба против џихадистичките групи во регионот, изјави за АП, Рајан Камингс, директор за Африка во Консултантската компанија за безбедност Signal Risk.
Околу 1.500 француски војници ја обучуваа и ја поддржуваа армијата на Нигер, која беше наменета како база за антитерористички операции во регионот, бидејќи антифранцуското расположение растеше во Мали и Буркина Фасо, каде што хунтите исто така ги исфрлија француските трупи.
Но, по соборувањето на демократски избраниот претседател на Нигер, Мохамед Базум, хунтата предводена од генералот Абдурахман Чиани ги прекина воените врски со Франција и другите европски држави.
Наместо тоа, тој побара одбранбена соработка со Русија, чија приватна платеничка група „Вагнер“ веќе е активна во делови од Африка, но таму се соочува со неизвесна иднина по смртта на нејзиниот лидер Евгениј Пригожин.
Повлекувањето на странските воени мисии веќе влијае на безбедноста во Нигер, каде што е зголемен бројот на напади, изјави Олуволе Ојевале од Институтот за безбедносни студии во Дакар.
„Државата не покажа доволно воени капацитети за да го пополни вакуумот создаден со повлекувањето. Стратешките напади се лансирани од различни вооружени групи кои сега слободно шетаат во немирните области на земјата и инцидентите сè уште се во пораст“, рече Оџевале.
Хунтата во Нигер формираше сојуз со воените влади во Мали и Буркина Фасо за да ги координира антитерористичките операции низ Сахел, но досега нема резултати.