Една фотографија од младенците ги збуни корисниците на Редит. На фотографијата се гледа како среќен пар се слика по венчавката, но нешто на сликата не е сосема јасно. Имено, на сликата се гледа како младоженецот зема насмеана невеста, а изгледа како нејзините нозе да се закачени околу рамениците на младоженецот, пишува Mirror. Повеќето не сфатија на почетокот што се случува на сликата, а многумина останаа многу збунети.
Она за што всушност се работи е дека кошулата на младоженецот е во иста боја како и венчаницата на младоженецот и тоа е она што ја создаде конфузијата. Ако се гледа од перспективата од која е направена фотографијата, неговите ракави изгледаат како да се нејзини нозе. Оптичката илузија пред неколку години ја сподели братот на младоженецот, а неодамна повторно стана вирална.
– Изминативе 10 минути се обидував да и објаснам на снаа ми дека изгледа како да и се прекрстени нозете на нејзиниот сопруг преку рамениците, но таа тоа воопшто не го гледа – напишал во објавата братот на младоженецот.
Младоженецот всушност ги обвиткува бутовите на невестата околу неговите бели ракави кои, во комбинација со венчаница во иста боја, им даваат изглед на нозете. Покрај тоа, темниот раб на неговите панталони, каде што е ременот, наликува на пар чевли.
– Не можев да разберам зошто нејзините нозе се кренати и што точно е долниот дел. Веќе ме боли мозокот – напишала една зачудена личност. „Ми требаа добри десет секунди да сфатам дека неговата рака совршено се вклопува“, коментира еден корисник, додека друг се пошегува: „Изгледа дека лета во вселената и го носи со себе“.
