Фондот на Кралот Чарлс понуди 2.000 фунти компензација на залоставувани деца

Сподели со своите пријатели

Кралот Чарлс беше повикан да интервенира откако Фондот на принцот, младинската добротворна организација што тој ја основа, објави дека ќе плати компензација од само 2.000 фунти на секое дете кое преживеало сексуална злоупотреба, соопшти добротворната организација што ги застапува жртвите.

Loading...

Се вели дека станува збор за стотици деца, кои британската влада во минатиот век ги испратила од сиромашни работни семејства или домови во земјоделски училишта во Австралија и Канада за „подобри можности и образование“, а потоа претрпеле сексуална злоупотреба, објави Гардијан.

Трустот на принцот е законски одговорен за тврдењата на преживеаните, откако го презеде Фербриџ, добротворна организација фокусирана на Британија, која некогаш управуваше со училишта на фармата.

Иако Високиот суд во Велика Британија минатата година ја процени вредноста на барањата на преживеаните жртви од падот на Фербриџ на околу 204.000 фунти (околу 234.000 евра) по лице, креаторите на шемата за компензација им рекоа на жртвите дека ќе добијат само околу еден процент од таа бројка поради „недостиг на пари“, што фондот го издвои за гореспоменатите побарувања.

Претставниците на преживеаните исплатата ја нарекоа „безобразна и крајно неправедна навреда“.

Здружението „Олд Фербриџ“, група што ги претставува преживеаните од Фербриџ, му пиша на кралот Чарлс изразувајќи ја својата голема загриженост за однесувањето на фондот на прицнот, барајќи од него да бара посоодветна компензација за преживеаните“.

Во писмото до Чарлс, членот на одборот на здружението Дејвид Хил, кој бил испратен од Есекс во австралиско земјоделско училиште на возраст од 12 години во 1950-тите, го моли кралот да интервенира за да се исправи она што тој го нарекува неправда.

„Телото кое претходно се сметаше за одговорно за сексуална, физичка и емоционална злоупотреба на стотици деца на фармата Фербриџ, некои на возраст од пет години, има намера да му плати на секој преживеан до приближно 3.820 австралиски долари (2.400 фунти) или, во многу случаи, помалку од тоа“, изјави Хил.

Loading...

Фербриџ датира од 1909 година, кога е основан како дел од планот да се испратат млади од британските сиромашни квартови во колониите на Комонвелтот да работат на фарми, делумно, според неодамнешното национално истражување за злоупотреба на деца во Обединетото Кралство, за да се зголеми бел удел на кралските колонии и како обид да се реши проблемот со детската сиромаштија, пишува Гардијан.

Извештајот од 2018 година на Независната истрага за сексуална злоупотреба на деца (IICSA) заклучи дека Фербриџ не успеал да ги заштити децата од четири земјоделски училишта во Австралија, Канада и Јужна Родезија (сега Зимбабве) од сексуална злоупотреба.