Претседателката на Европската комисија, Урсула фон дер Лајен денеска изјави дека односот на Пекинг кон војната во Украина ќе биде „одлучувачки фактор за односите меѓу ЕУ и Кина“.
Loading...
Кина, како постојана членка на Советот за безбедност на ОН, имаше одговорност да одигра конструктивна улога во промовирањето на мирот заснован на територијалниот интегритет на Украина, со повлекувањето на руските сили, рече претседателот на ЕК.
„Секој мировен план што ги консолидира руските анекси едноставно не е одржлив план“, рече Фон дер Лајен во говорот во Брисел пред нејзиното патување во Пекинг, пренесе Ројтерс.
Таа рече дека „одлучувачки фактор за продолжување на односите меѓу ЕУ и Кина ќе биде како Кина ќе продолжи да се однесува кон војната на Путин“.