Жена од Флорида ги застрелала своите два малолетни синови по расправија со нивниот татко, а потоа се самоубила, пишуваат американските медиуми.
Таткото ги пронашол нивните тела кога влегол во куќата во четвртокот околу 18 часот, пишува NBC Miami.
По страшната глетка што ја нашол, се јавил во канцеларијата на шерифот на округот Паско.
Шерифот не ги објави имињата на мајката и децата, но рече дека постарото момче имало три години, додека помладото само девет месеци.
Тој рече дека пред пукањето имало расправија меѓу родителите и дека таткото не бил дома кога се случило пукањето. Тој додаде дека таткото соработува со надлежните.
За време на прес-конференцијата во четвртокот, шерифот рече дека сака „да разговара за оваа ментална здравствена криза“.
„Треба да продолжиме да зборуваме сѐ погласно и погласно“, рече шерифот, додавајќи дека околу 80 отсто од дојдовните повици се поврзани со менталното здравје.
Тој го нарече инцидентот ужасен и рече дека погодил неколку семејства, како и заменици, истражители и техничари кои биле на местото на злосторството.
„Не може да биде нормално мајката да си ги убива децата“, рече тој.