По драстичните изјави на турскиот претседател Реџеп Тајип Ердоган за членството на Шведска во НАТО, Финска за прв пат покажа дека е отворена за можност за влез во алијансата без својот нордиски партнер.
Финска може да биде принудена да размисли за влез во НАТО без својот долгогодишен сојузник Шведска, изјави министерот за надворешни работи Пека Хаависто за радио станицата Yle во вторникот.
Секако, во однос на безбедноста на двете земји, апсолутна прва опција е заедничкиот напредок, рече Хависто.
Сепак, додаде тој, треба да биде подготвен повторно да ја процени ситуацијата доколку се покаже дека барањето на Шведска за влез во НАТО е заглавено долго време.
Рано е да се заземе став за ова, рече тој и оцени дека Турција најверојатно нема да одлучува за финското и шведското барање за НАТО пред одржувањето на изборите најавени во Турција за мај.
Шведска не може да смета на поддршката на Турција за влез во НАТО, откако екстремно десничарски политичар запали копија од Куранот во Стокхолм, изјави денеска турскиот претседател Реџеп Таип Ердоган.
„Ако не покажете почит кон Република Турција или верските убедувања на муслиманите, тогаш не можете да добиете никаква поддршка од нас во прашањето за НАТО“, рече Ердоган во Анкара.
Хаависто рече дека ваквите протести си играат со безбедноста на Шведска и Финска.
Членката на НАТО Турција со месеци го блокира приемот на Шведска и Финска во одбранбената алијанса.
Конкретно ја обвинува Шведска за поддршка на „терористички организации“ како што е забранетата Курдистанска работничка партија (ПКК) и бара екстрадиција на неколку лица кои Анкара ги смета за терористи.
Сите 30 членки на НАТО мора да ја ратификуваат апликацијата за членство, а досега тоа го направија 28 земји.
Турција и Унгарија сѐ уште се против.