Поминаа точно две години од издавањето на книгата „Последната книга на планетата Земја“. Читателите се запознаа со првото вакво дело на македонската книжевност и наидоа на голем восхит од оваа футуристичка приказна и начинот на кој Филип Петровски нѐ води низ необичната приказна.
Филип пронашол канал и нурнал во иднината, и многу умешно ни ја сервира низ приказната богата со психолошки осврт на животот, мудроста и мистеријата.
Македонската сцена е премала за ваква авангардна оргиналност, авантура низ пештери на Матка, Кокино, кристалните дождови, тајни лаборатории, биолошко оружје, вирус, роботика, Токму затоа книгата доби превод на англиски јазик.
Самиот писател ни откри дека е во контакт со неколку издавачки куќи и во тек се преговорите околу самото публицирање.
Упатува и пофалби за одлична соработка со неговиот преведувач Владимир Стојановски, Мултитим и Максим Димитриевски.
На крајот авторот ни најави уште две нови книжевни дела во наредниот период и не остави во неизвесност.
Додека системот и светот се во хаос, јас настојувам да пишувам во душевен мир – ни кажа за крај Филип. Овој моќен роман ни дава јасна слика за тоа што се случува на глобален план и која заслужува да ја имате во вашите раце!