Фејсбук и Јутуб го отстранија од своите платформи видеото на бразилскиот претседател Жаир Болсонаро, во кое овој популистички лидер изнесе лажно тврдење дека вакцините против КОВИД-19 се поврзани со развојот на СИДА.
И Фејсбук и Јутјуб соопштија дека видеото кое е снимено во четвртокот ја прекршило нивната политика.
„Нашата политика не дозволува тврдења дека вакцините против КОВИД-19 убиваат или можат да им наштетат на луѓето“, рече во понеделникот портпаролот на Фејсбук.
YouTube потврди дека го презел истиот чекор подоцна во текот на денот.
„Го отстранивме видеото од каналот на Жаир Болсонаро поради кршење на нашата политика за медицинска дезинформација во врска со КОВИД-19, тврдејќи дека вакцините не го намалуваат ризикот од заразување со болеста и предизвикуваат други заразни болести“, се вели во соопштението на YouTube.
Според Заедничката програма на Обединетите нации за ХИВ и СИДА (UNAIDS), вакцините против КОВИД-19 одобрени од здравствените регулатори се безбедни за повеќето луѓе, вклучително и оние кои живеат со ХИВ, кој предизвикува синдром на стекната имунодефициенција, познат како СИДА.
Во јули, YouTube еднаш ги отстрани видеата од официјалниот канал на Болсонаро во кои се препорачуваат хидроксихлоркин и ивермектин за лекување на заболени од СОВИД-19.
Бразилскиот претседател беше позитивен на корона вирусот во јули минатата година и се верува дека земал хидроксихлорокин, лек против маларија, поради неговите благи симптоми.
Иако минатиот јануари рече дека нема да прими никаква вакцина против КОВИД-19, Болсонаро вети дека брзо ќе ги вакцинира сите Бразилци.