Американската фармацевтска компанија Фајзер и нејзиниот германски партнер Бионтек побараа од судот да ја отфрли тужбата на американската фармацевтска компанија Модерна, поради наводна неовластена употреба на нејзините патенти при производство на вакцини против ковид-19.
Во поднесокот до федералниот суд во Бостон, меѓу другото се наведува дека Pfizer и Biontek не ги користеле заштитените технологии без овластување и дека патентите на кои се повикува Модерна се невалидни, пренесува Reuters.
Модерна првпат го тужеше Pfizer во август, обвинувајќи ја компанијата дека ги прекршила нејзините права на три патенти поврзани со иновации во вакцините.
Компанијата Pfizer и Biontec најавија дека енергично ќе се бранат за да ги оспорат тврдењата што доаѓаат од Модерна.
Тие наведуваат дека самостојно ја развиле својата вакцина, а тужбата Модерна ја нарекоа ревизија на историјата.
Според нив, патентите на кои Модерна се однесува далеку го надминуваат нејзиниот реален придонес во оваа област.
Во соопштението на компанијата се посочува дека Модерна го игнорирала придонесот на научниците од Pfizer и Biontek за развојот на технологијата mRNA, како и придонесите на истражувачите од Националниот институт за здравје на американската влада.
Тие исто така тврдат дека со тужбата, Модерна го прекршила своето ветување дека нема да тужи други производители на вакцини против Ковид-19 за време на пандемијата, наведувајќи дека пандемијата сè уште не е завршена.