Претседателот на Европскиот совет, Шарл Мишел на својот Твитер профил напиша дека е постигнат договор за забрана за извоз на руска нафта во ЕУ.
„Ова веднаш покрива повеќе од 2/3 од увозот на нафта на Русија, намалувајќи го огромниот извор на финансирање за нејзината воена машина. Максимален притисок врз Русија да стави крај на војната“, рече тој.
Agreement to ban export of Russian oil to the EU.
This immediately covers more than 2/3 of oil imports from Russia, cutting a huge source of financing for its war machine.
Maximum pressure on Russia to end the war.
— Charles Michel (@eucopresident) May 30, 2022
Како што напиша тој, овој пакет санкции вклучува и други тешки мерки – протерување на најголемата руска банка Сбербанк од системот SWIFT, забрана за уште три руски државни радиодифузери и санкционирање на лица одговорни за воени злосторства во Украина.
Дописникот на N1 претходно во понеделникот рече дека лицата кои ЕУ ги смета за одговорни за уништувањето на Мариупол или масакрот во Буча, како и патријархот Кирил, ќе бидат санкционирани.
Руските сили полека напредуваат кон центарот на Северодонецк
Во Брисел е во тек самит на лидерите на Европската унија, посветен на Украина и последиците од руската агресија врз таа земја.
Покрај санкциите, лидерите на ЕУ разговараат и за помошта за обновата на Украина која до крајот на годината би можела да достигне девет милијарди евра, зголемување на инфлацијата и зголемување на цените на енергијата, но и како да се деблокираат резервите на Украина со храна и да се транспортираат, пред се до африканските земји, преку и со помош на ЕУ.
Посебна тема ќе биде прашањето за безбедноста на Европа и како да се зајакне.