Европската комисија усвои предлог за нов пакет мерки за одржување и зајакнување на ефективноста на шесте пакети санкции што ЕУ ги усвои против Русија, вклучувајќи ја и забраната за увоз на руско злато.
Од Комисијата велат дека овој пакет појаснува низа одредби за зајакнување на правната сигурност за спроведување на рестриктивните мерки кои се воведени досега и дека дополнително ги усогласува санкциите на ЕУ со оние на сојузниците и партнерите, особено во Г7.
Новиот пакет ја повторува одлучната позиција на Комисијата за заштита на безбедноста на храната во светот, објавено е на веб-страницата на ЕК.
Претседателката на Европската комисија, Урсула фон дер Лајен оцени дека „руската брутална војна против Украина продолжува со несмалена жестокост“ и дека целта на ЕУ со денешниот предлог е да ги заостри постоечките санкции против Кремљ, да ги направи поефикасни, но исто така да ги продолжи до јануари 2023 година.
– Москва мора да продолжи да плаќа висока цена за својата агресија – рече Лејен.
Шефот на дипломатијата на ЕУ, Јосеп Борељ оцени дека санкциите на ЕУ против Русија се строги и дека продолжува таргетирањето на „блиските до Путин и Кремљ“.
– Денешниот пакет го одразува нашиот координиран пристап со меѓународните партнери, вклучително и Г7. Покрај овие мерки, на Советот на ЕУ ќе му поднесам предлог во списокот на санкционирани да се вклучат повеќе физички и правни лица чии имоти ќе бидат замрзнати и ограничена можност за движење – заклучи Борељ.
Сите информации поврзани со најновите случувања со војната во Украина можете да ги прочитате ТУКА.