Научниците докажаа дека жените со жалење го скратуваат животот на мажите. Тие заклучија дека средовечните мажи имаат трипати поголем ризик од смрт ако живеат со жени кои постојано им се жалат.
Во студијата учествувале 9.857 мажи и жени на возраст од 36 до 52 години. Оние кои живееле со партнери со кои често се расправале, починале порано затоа што биле под постојан стрес. Придонес за ова е фактот дека мажите, како и жените, не се склони да се жалат на пријателите, па чуваат сè за себе.
– Мажите, за разлика од жените, имаат многу помалку луѓе околу себе со кои можат да споделуваат грижи. Токму тоа е можната причина за зголемената стапка на смртност кај мажите – објасни д-р Рика Лунд од Универзитетот во Копенхаген.
Според неа, партнерите треба да зборуваат за своите проблеми, но доколку е нарушена врската, тогаш се јавуваат проблеми што доведуваат до депресија и стрес.