Тимот на Меѓународниот Црвен крст, кој носи хуманитарна и медицинска помош во украинскиот град Мариупол, е „заглавен“ во Запорожје, бидејќи сѐ уште не добил безбедносни гаранции за одење во Мариупол.
Конвој од пет возила за хуманитарна помош и два камиони треба да им донесе олеснување на граѓаните на Мариупол, каде што сѐ уште се блокирани десетици илјади луѓе, јави Би-Би-Си.
Украина: Некои хуманитарни коридори не функционираат. Ситуацијата е многу тешка
Тимот на Црвениот крст се надева дека ќе помогне да се евакуираат стотици цивили од Мариупол со автобуси обезбедени од украинската влада.
Меѓутоа, тие автобуси, од кои има повеќе од 40, патувале во конвој пред тимот на Црвениот крст, но биле запрени во Берџанск, кој го држат руските сили.
Според извештаите, некои автобуси наводно биле ограбени од руски војници и им ја однеле помошта што им ја донеле на граѓаните на Мариупол, додава британскиот јавен сервис.
Мал број автобуси успеале да се вратат во Запорожје, каде имало цивили од други места каде руските сили имаат контрола.
Би-би-си додава дека на Црвениот крст ќе му биде тешко да преземе акција без безбедносни гаранции од двете страни.