На автопатот Куманово – село Табановце, кај селото Долно Конјаре, вчера околу 17 часот се случила сообраќајна незгода помеѓу патничко возило „мерцедес“, со кумановски регистарски ознаки, управувано од Х.Е.(53) од селото Ваксинце и патничко возило „дачија логан“, со кумановски регистарски ознаки, управувано од Н.Б.(23) од селото Табановце, кумановско, информираат од Министерството за внатрешни работи.
Притоа, како што додаваат од полицијата, возилото „мерцедес“ удрило и во паркирано товарно возило „фиат дукато“ со кумановски регистарски ознаки, сопрено од С.С.(45) од село Оризаре, општина Липково и паркирано патничко возило „форд галакси“, со кумановски регистарски ознаки, сопрено од И.Р.(45) од селото Черкези, кумановско и во И.Р., кој бил до возилото.
Во незгодата И.Р. се здобил со тешки телесни повреди и бил пренесен во општата болница во Куманово за укажување на лекарска помош.
Извршен бил увид на местото на настанот од увидна екипа од СВР Куманово.