Во срцето на масивот Хаџар или Камените планини, како што сè уште се нарекуваат во Обединетите Арапски Емирати, се наоѓа најдолгиот „зип лајн“ во светот.
Зип лајнот е долг околу 2,7 километри, а оние што се спуштаат можат да достигнат брзина од 150 километри на час.
Љубителите на авантури се спуштаат преку зип-линијата во позиција „Супермен“.
За сите што ќе се решат за оваа авантура, за нив се грижат професионалци кои им даваат упатства и им помагаат да се поврзат безбедно. Дури тогаш започнува летот на надморска височина од околу 1.700 метри.
Спуштањето нуди одличен поглед на планинскиот масив и карпестите врвови и долини на Камената планина.
Возењето по овој зип лајн се вика „Jebel Jais Flight“ и трае околу две минути.