Дирекцијата за заштита и спасување, согласно Законот за заштита и спасување и Законот за шумите, презема мерки и активности за превентивно делување во заштитата од можни шумски пожари и други пожари на отворен простор во наредниот период.
За поуспешна заштита од настанување на евентуални пожари, Дирекцијата за заштита и спасување известува дека со зголемување на надворешните температури и настапување на сушниот период е зголемена и опасноста од настанување на шумски пожари и други пожари на отворен простор и дека ваквата состојба наложува поголема будност на сите граѓани и субјекти во заштитата од пожари.
Како неопходни мерки за намалување на опасноста од настанување на шумски и други пожари на отворен простор,Дирекцијата за заштита и спасување ги посочува следниве предупредувања до сите граѓани на Република Македонија:
-
Да не се пали оган во шуми, на отворен простор и на необезбедени места
-
Да не се палат стрништа,меѓи и други површини
-
Да не се фрлаат стаклени шишиња и друга стаклена амбалажа и отпад
-
Да не се врши палење на отпад и друг горлив материјал
-
Да не се фрлаат остатоци од цигари
-
Земјоделската и друга механизација да биде технички исправна и опремена со пропишаните средства за почетно гасење на пожари
Во случај на опасност од настанување или веќе настанат пожар,граѓанинот е должен да ја отстрани опасноста, односно да го изгасне пожарот, а доколку не е тоа во можност, веднаш да ја извести Територијалната противпожарна единица на бесплатниот телефони 193 или Полицијата на тел.192.