Новак Ѓоковиќ, најдобриот тенисер во историјата, го совлада Матео Беретини во четири сета (5: 7, 6: 2, 6: 2, 6: 3) и се пласираше во полуфиналето на УС Опен.
Во борбата за финалето, се очекува Ѓоковиќ да се судри со човекот што го победи на Олимписките игри во Токио, Александар Зверев, кој претходно го елиминираше Лојд Џорџ Харис од Јужна Африка.
Дуелот меѓу српскиот и италијанскиот тенисери се одржа во постојаните искри на Ѓоковиќ со навивачите. Двапати за време на натпреварот, тој го стави прстот на увото, велејќи и на публиката „не ве слушам“, откако беа некоректини додека траеја поените.
Новак, исто како и на претходните натпревари, дуелот го отвори малку послабо, па гледавме голема борба во првиот сет.
Се играа болни и долги партии, немаше прекини и впечаток беше дека ќе следи тај-брејк, сепак, во 11-от гем, Италијанецот го искористи падот на концентрацијата на српскиот тенисер, му го одзеде сервисот и ја потврди победата – 7: 5.
Ѓоковиќ ги загуби првите сетови од Руне, Нишикори и Бруксби, во три од четирите натпревари на овогодинешниот УС Опен, а не паничи ниту по поразот од Беретини во првиот сет.
Најдобриот тенисер на светот внесе поголема брзина, покрај тоа, Италијанецот попушти и гледавме еднонасочна улица до крај – меч во кој Ѓоковиќ апсолутно доминираше.
Вториот сет Ѓоковиќ го доби со 6: 2, истиот резултат беше и во третиот, додека во четвртиот резултатот беше 6: 3.
Новак не му даде никаква шанса на Италијанецот во продолжението од дуелот и заслужено се пласираше во полуфиналето на УС Опен.
Полуфиналето е на програмата во петок или петок спрема сабота, распоредот ќе биде објавен подоцна. Во второто полуфинале ќе се сретнат Медведев и Ожер-Алијасим.
Две победи го делат Ѓоковиќ од Супер Слемот, што ќе го направи најдобар тенисер во светот.