Двајца руски пилоти чиј воен авион се урна во близина на станбена зграда во градот Јејск, при што загинаа 13 лица, моментално се под истрага, соопштија руските власти.
Моторот на воениот авион Су-34 се запалил кратко по полетувањето за време на вежбање во понеделникот вечерта, а пилотите за среќа успеале навреме да се катапултираат, пред авионот да се урне во дворот на станбен комплекс во кој живееле повеќе од 600 луѓе.
Криминален случај
Рускиот истражен комитет на Телеграм објави дека несреќата во која загинаа 13 лица се истражува како кривично дело за можно прекршување на правилата за летање или правилата за подготовка на летот.
Тие се сомневаат дека невниманието на пилотот можеби довело до катастрофалниот исход.
Пилотите или копнениот екипаж би можеле да се соочат со максимална казна до седум години, според документот на агенцијата за криминал на ОН, кој го цитира тој дел од рускиот кривичен закон.
Рускиот истражен комитет објави дека воените истражители и форензичарите со денови го испитуваат местото на несреќата.
– Во текот на истрагата, на аеродромот на полетување се запленети мостри гориво, како и потребната документација. Се сослушуваат пилотите кои успеале да се катапултираат, како и персоналот на аеродромот – соопштено е.
Технички дефект на авионот
Во соопштението се додава дека во моментов се верува дека до несреќата дошло поради техничка грешка на леталото, пишува Business Insider.
Се чини дека видеата од безбедносните камери објавени на социјалните мрежи покажуваат дека авионот се запалил пред да почне да ја губи висината.
Јеиск, дом на околу 80.000 луѓе и руска воена воздухопловна база, се наоѓа покрај Азовското Море и е на кратко растојание од окупираниот украински град Мариупол.
Да потсетиме, 13 лица загинаа во пожарот што избувна по падот на авионот врз станбена зграда, а голем број од нив беа повредени.