Двајца руски војници, кои беа заробени од украинските сили, денеска, за време на второто судење за воени злосторства во војната во Украина, ја признаа вината за гранатирањето на град во источниот дел на таа земја.
За време на судењето во Окружниот суд Котелевск во централна Украина, државните обвинители побараа казна од 12 години затвор за Александар Бобикин и Александар Иванов за, како што наведоа, кршење на законот за војна, пренесува Танјуг.
Бранителот побара судот да биде попустлив и посочи дека двајцата војници извршувале наредби и се покајале.
Бобикин и Иванов признаа дека биле дел од артилериска единица која од областа Белгород во Русија гаѓала цели во областа Харков.
Според обвинителството, во гранатирањето била уништена образовна институција во градот Дергачи, пренесува Ројтерс.
Британија: Путин се обидува да го држи во заложништво целиот свет
Двајца руски војници биле заробени откако ја преминале границата и продолжиле со гранатирање, соопшти државното обвинителство.
„Јас сум целосно виновен за злосторствата за кои сум обвинет. „Пукавме во Украина од Русија“, рече Бобикин на суд.
Иванов побара да не добие максимална затворска казна.
Има ли договор во НАТО да не се испорачуваат тенкови од западно производство во Украина?
„Се каам и барам намалување на казната“, рече Иванов.
Рочиштето траеше неполн час, а пресудата се очекува на 31 мај.
Украинскиот суд веќе осуди руски војник на доживотен затвор за убиство на невооружен цивил.