Дуда: Падот на проектилот веројатно е несреќен инцидент

Сподели со своите пријатели

Полскиот претседател Анджеј Дуда изјави денеска дека падот на проектил на полска територија кога две лица загинаа „веројатно бил несреќен инцидент“.

Loading...

„Нема причина да се верува дека ракетниот инцидент е намерен напад врз Полска“, рече Дуда по седницата на Советот за безбедност.

Тој додаде дека истрагата се уште е во тек, пренесуваат полските медиуми.

„Во пограничната област на Украина насекаде паѓаа руски ракети, а Украина се бранеше. Имаше многу сериозни напади и Русија треба да биде обвинета за тоа, но нема индикации дека станува збор за намерен напад врз Полска“, рече. Дуда.

Како што додаде, најверојатно е ракета од руско производство од 1970-тите да паднала на полска територија, но „немаме докази дека е лансирана од Русија, а постои голема веројатност дека тоа е резултат на дејствијата на Украинската воздушна одбрана“.