ДРАМА ВО ПЕНТАГОН: Кинески шпионски балон лета над САД (ВИДЕО)

Сподели со своите пријатели

Американските воени претставници изјавија дека веруваат дека е забележан сомнителен „балон за набљудување“ како лета над државата Монтана и се сомневаат дека ѝ припаѓа на Кина.

Loading...

Објектот прелета над Алеутските острови, Алјаска и низ Канада пред да се појави над градот Билингс, Монтана, во средата, изјавија официјални лица, пренесе Би-би-си.

Висок претставник на одбраната, кој сакаше да остане анонимен, рече дека владата подготвила борбени авиони, вклучително и Ф-22, во случај Белата куќа да нареди да се собори објектот.

Тој додава дека американскиот претседател Џозеф Бајден е свесен за ситуацијата.

Највисоки воени претставници, вклучително и американскиот секретар за одбрана Лојд Остин и началникот на заедничкиот штаб на САД, генералот на американската армија Марк Мили, се состанаа во средата за да го проценат нивото на заканата.

Како што рече функционерот, одлучено е да не се урне балонот поради опасноста остатоците да претставуваат опасност за луѓето на теренот.

Монтана, една од најмалку населените држави во САД, е дом на еден од трите американски нуклеарни силоси, во воздухопловната база Малмстром.

Официјални лица рекоа дека „балонот за надзор“ прелетал над чувствителни локации за да собере информации. Кина се уште не се изјаснила за овој инцидент, пишува Танјуг.

Loading...