Самопрогласената Народна Република Доњецк отвори амбасада во Русија.
Амбасадорката Олга Макеева и министерката за надворешни работи Наталија Никонорова изјавија за новинарите дека дипломатите што ја претставуваат ДНР веќе добиле „огромен број“ барања од граѓани кои сакаат да се решат нивните проблеми, пишува рускиот дневен весник Комерсант.
Русија ги призна самопрогласените Народни републики Доњецк и Луганск, лоцирани во регионот Донбас во источна Украина, на 21 февруари, три дена пред да ја започне својата инвазија на Украина.
Отворањето на амбасадата на ДНР во Москва, како што јави Си-Ен-Ен, се одржа без присуство на ниту еден висок руски функционер.
„Не можеме да славиме овде додека нашите сонародници умираат“, рече Макеева.
Дипломатите, исто така, планираат да „дадат вистинити информации за настаните во ДНР“ и да го зголемат бројот на земји кои ќе ја признаат нејзината независност, наведува Комерсант.
Сирија е единствената земја по Русија која официјално ја признава ДНР. Според Никорова, во моментов се водат разговори за признавање со Северна Кореја.
Макеева изјави дека нејзиниот персонал од 20 луѓе освен што ќе работи со граѓаните, ќе се занимава и со политички прашања.
„Мораме да работиме со дипломатските претставништва кои се во Москва. Но, ние исто така треба да обезбедиме вистинити информации за тоа што се случува во ДПР и, се разбира, да ја спроведеме надворешната политика на ДПР во Русија“, рече Макеева.
Сите информации поврзани со најновите случувања со војната во Украина можете да ги прочитате ТУКА.