Директорката на Општа болница Куманово, Снежана Захариева е позитивна на коронавирус.
Информацијата самата ја сподели на социјалните мрежи, при што истакна дека без маска во изминатите пет месеци била само дома, но нејзиниот имунитет поради премореност попуштил.
– Како за добро утро, позитивен резултат од тестот за САРС-КоВ-2. Без маска само дома, 5 месеци работа – дома, но имунитетот попушти. Хроничниот стрес и премореноста си го направија своето. Чувајте се, напиша таа на социјалните мрежи.
Тестот и бил направен вчера напладне во лабаротаријата на МАНУ.
Тест денеска ќе направи и нејзиниот син Мартин Захариев кој инаку е претседател на подмладокот на СДСМ во Куманово.
– Изминативе 2 дена немавме директни контакти бидејќи од моментот кога ги почуствува симптомите, таа се замоизолираше и немавме директен близок контакт! Немам никакви симптоми, денеска ќе бидам тестиран, и се надевам дека се ќе биде во најдобар ред, вели тој.
Никола Ивановски