Димитров во Минхен се сретна со Хан и Лајчак

Сподели со своите пријатели

Министерот за надворешни работи Никола Димитров денеска ги започна активностите на Минхенската безбедносна конференција, која се одржува од денеска до 18 февруари 2018 година.

На првиот ден од Конференцијата, како што соопшти Министерството за надворешни работи, Димитров оствари повеќе средби за афирмација на реформската агенда и стратешките приоритети.

Како што соопшти Министерството за надворешни работи, на заедничката средба со вицепремиерот и министер за одбрана, Радмила Шекеринска и со еврокомесарот Јоханес Хан, се разговараше за важноста од мериторен и кредибилен процес на проширување, со што ќе се реализира заедничкиот европски интерес за брза интеграција на Република Македонија и регионот.

Димитров имаше средба и со претседателот на Генералното собрание на ООН Мирослав Лајчак на која беа разменети мислења за актуелниот регионален контекст и политичките динамики. Соговорниците, како што стои, се согласија дека новосоздадениот моментум во политичките текови во Република Македонија не смее да се пропушти./МИА

Leave a Reply