Градоначалникот на Општина Куманово денеска упати честита до православните верници по повод големиот христијански празник Велигден.
Честитката интегрално ви ја пренесуваме во продолжение:
На денешниот светол и празничен ден од мое лично име и од името на Општина Куманово на сите православни христијани им го честитам празникот на Христовото воскресение Велигден. Празнувањето на овој голем христијански празник е основа на нашата вера, која не учи на човечност, сплотеност, искреност и меѓусебно почитување. Посакувам да не води позитивна мисла и добра намера, искрено да си подадеме рака за помош, душата да ни биде исполнета со љубов и да создадеме неизмерна среќа за нас и нашите најблиски. Вистински да се радуваме и да празнуваме, со спокој и мир во срцата. Нека е среќен и вечен Велигден! Христос воскресна!