Владата денеска треба да одлучи дали ќе го прифати предлогот на Комисијата за заразни болести за викенд карантин од 58 часа поради празниците Рамазан Бајрам и „Свети Кирил и Методиј“.
Loading...
Иако според првичните неофицијални најави ваквиот предлог бил прифатлив за надлежните, се крена голема врева и незадоволство меѓу граѓаните, а ИВЗ веќе подготви план за одење во џамија за празникот и покрај најавите за можен целосен карантин.
Според пишувањата на одредени национални медиуми, се разгледува можноста и за полициски час кој би почнувал од 16 часот, наместо целосно затворање во национален карантин.
Засега се уште нема закажано владина седница на која ќе се носи ваквата одлука.
Никола Ивановски