Дел од огромна статуа на Рамзес II пронајден во Египет

Сподели со своите пријатели

Заедничка египетско-американска археолошка мисија го откри горниот дел од џиновската статуа на кралот Рамзес Втори за време на ископувањата јужно од египетскиот град Миња, соопшти египетското Министерство за туризам и антиквитети.

Loading...

Блокот од варовник е висок околу 3,8 метри и го прикажува Рамзес во седечка положба со двојна круна и наметка на главата на која е поставена кралска кобра, рече водачот на тимот на египетската мисија Басем Џихад.

„Во горниот дел од задниот столб на статуата има хиероглифски натписи кои го слават кралот, еден од најмоќните фараони на древниот Египет“, рече Џихад.

ПРОЧИТАЈТЕ И:  Европските берзи во пораст: Скокна златото, нафтата под 90 долари за барел

„Исто така познат како Рамзес Велики, тој бил третиот фараон од Деветнаесеттата египетска династија и владеел од 1279 до 1213 година п.н.е.

Големината на статуата во комбинација со нејзиниот долен дел ископан пред неколку децении би достигнала околу седум метри.

Градот Ел Ашмунеин на западниот брег на Нил бил познат во древниот Египет како Кемну, а во грчко-римско време бил регионален главен град на Хермополис Магна.

Истражувањата потврдија дека горниот дел од статуата одговара на долниот дел откриен во 1930 година од германскиот археолог Гинтер Родер, изјави Мустафа Вазири, шеф на египетскиот Врховен совет за антиквитети.