Дамјановски до кандидатите: Борете се со свои идеи, не со напаѓање на Секторот за урбанизам (видео)

Нема урбана мафија во Општина Куманово и Секторот за урбанизам работи согласно сите закони, рече денеска на прес конференција актуелниот градоначалник на Општина Куманово Зоран Дамјановски, кој до кандидатите кои се борат да го наследат неговото место им порача да се борат со свои идеи и проекти, а не со напаѓање на работата на локалната самоуправа.

Причина за ваквата реакција, како што посочи Дамјановски е постојаното напаѓање преку дебатните емисии во кои гостуваат кандидатите за градоначалник на Општина Куманово.

– За сите тие небулози инсинуации како што се спомнува во дебатите има инсититуции на систем бидејќи се споменуваат и некакви урбани мафии не знам какви се номенклатури се користат во дебатите би им препорачал на кандидатите за граодначалници ако сакаат да ги добијат гласовите и довербата на народот треба да излезат со проекти, конкретни датуми, начин на изведба и визија за градот. Она што го работеше урбанизмот во изминатиот период јас сум благодаредн бидејќи до сега само еден урбанистички проект заради недостиг на администрација е паднат на Уставен суд од 150 кои се донесени изминатите години. Во комуналните дејности извршуваме многу проекти како реализација на развојната програма, речното корито со УНДП е во втората половина во развојот на изградба. Ипа проектот ќе биде завршен до почетокот на ноември, реконструкција и тековни одржувања на патна инфраструктура од 50.000 квадратни метри е во тек, изградба на мост и училишта ние по развојна програма врз основа на распишани постапки буџетска поддршка го завршуваме овој развоен проект и мислам дека оваа година ќе биде добра во однос на изведба на комунална инфраструклтура. Препорачувам борете се со своите идеи, своите мисли и своите проекти мислчам дека народот само тоа ќе го цени, рече Дамјановски.

Дека Секторот за урбанизам донесува одлуки и спроведува постапки на транспарентен начин, истакна и раководителот Лидија Ланг Спасовска која сите иницијативи на физички и правни лица ги утврдува Советот на Општина Куманово, а потоа се вградува во програмата за урбанистичко планирање.

– Постапката за донесување детални урбанистички планови е многу комплексна и сложена таа се одвива на еден сложен процес, се организираат јавни презентации и анкети сите граѓани кои што се засегнати од донесување на некој детален урбанистички план во своето опкружување можат да ги остварат своите права со поднесување на пригорови во кои ќе даваат забелешки сугестии и во најголем дел тие се прифатени од стручната комисија. Ние како сектор имаме донесено многу урбанистички планови и законитоста на истите ја утврдува Уставниот суд и досега како што кажа градоначланикот само еден е укинат од страна на Уставен суд поради формално правни причини а не поради некои повреди направени во поглед на урабанистичкото планирање. Сите одобренија кои што се издадени на територија на општина Куманово се издадени во  согласност со детални урбанистички планови и на закон за градба. Доколку постои сомневање дека има некои пропусти напревено во сите овие постапки што ги работи секторот изминативе години може да дојдат сите кои се соменваат во тоа да извршат увид бидејчи секторот работи транспарентно секогаш е достапен до секој граѓани дали во писмена или усмена форма да го добие бараниот одговор, изјави Спасовска.

Што се случува на терен и дали роковите и плановите за градба се почитуваат не е во надлежност на Секторот за урбанизам, туку на градежната инспекција, вели Дамјановски.

– Надзорниот орган  кој е независен и кој го бира инвеститорот е должен да потпише прием на објектот бо кој записик се впишува во катастар тука има неколку чинители во имплеменација на самиот проект. Од инвеститотр надзорен орган , ревизијата градежна инспекција Градежната инспекција е должна да ги запази параметрите на габаритете на паркинг местат и во центарот. Надзорниот орган е должен да направи записник дали е индивидуално или колективно домување, тоа е процедурата. Главната работа по јавната анкета е согласност во Министерството за транспорт и врски бидејќи без таа согласност советот не може да донесе одлука да го усвои тој план, согласноста е најчесто од раководители на сектор за урбанизам кој за жал е 12 годни од другата партија и многу често бевме на екстра супер контроли за објекти и урбанистички планови кои ги нудевме, додава Дамјановски.