Дали цело време ханзапластот погрешно го користевме? (видео)

Брендот „Ханзапласт“ влезе во историјата во 1922 година како прв самолеплив фластер за прва помош и заштита на повредите, кој нема активни состојки. Повеќе од 90 години овој препарат помага при лекување на рани без помош од доктор.

Денешните модерни фластери не само што го забрзуваат процесот на лекување и до 50 отсто, туку помагаат и при различни проблеми, како што се плускавците.

Во развиените, индустриски земји секој граѓанин просечно користи по 50 сантиметри фластер годишно за лекување на помали повреди.

Откако ги воведе првите препарати на пазарот, компанијата Беирсдорф произведе и продаде околу 17 милијарди метри фластер. Покрај брендот „Ханзапласт“, глобалното семејство на брендови го сочинуваат „Еластопласт“ во Велика Британија и државите од Комонвелтот и „Каритас“ во Аргентина и Мексико. Овие брендови се достапни во 50 држави.

Во 18 држави ширум светот, „Ханзапластот“ е најпродаван вид на фластер.