Милозвучните штурци со децении ги давија мрачните патници на париското метро, сè до денот кога на почетокот на 1990-тите беше забрането пушењето во метрото.
Бидејќи јадат тутун, немале што да јадат повеќе, па одлетале. Сега, парижаните и другите жители на Европската унија ќе ги јадат истите штурци што побегнаа во потоплите региони.
Европската комисија штотуку донесе декрет со кој по исушениот жолт црв и миграторниот скакулецот, како трет инсект, за краток временски период се одобрува за консумирање домашен штурец, популарно познат како попац?!
Пред некој ден, извршната власт во Брисел донесе декрет под шифра 2022/188, кој уредно го потпиша претседателката на Европската комисија Урсула фон дер Лајен и со кој се одобрува пуштање во промет на замрзнати, сушени и мелени форми на домашните штурци како нова храна во ЕУ.
Одлуката е донесена врз основа на барање на холандска компанија од крајот на декември 2018 година. Жалителот побарал одобрение за употреба на штурците во форма на закуски и како состојка во голем број прехранбени производи за општата популација.
По тој повод доставиле низа податоци кои меѓу другото се однесуваат на детален опис на производниот процес, резултати од анализа, микробиолошки параметри, студија за токсичност, информации за продажбата…
Според прописите, ЕК побарала стручно мислење од Европската агенција за безбедност на храна, која констатирала дека замрзнатиот, исушениот и мелениот штурец е безбеден за консумирање.
ЕУ се повика на заклучоците на Организацијата за храна и земјоделство на ОН, која нагласува дека инсектите се здрава и хранлива храна, богата со масти, протеини, витамини, влакна и минерали.
Богати се, велат, и со омега три и шест масни киселини. Исто така, било истакнато дека инсектите се важен дел од секојдневната исхрана на стотици милиони луѓе ширум светот и дека тие се сметаат за потенцијален извор на протеини кои би можеле да ја олеснат транзицијата кон поодржлива исхрана.
Со заклучокот дека штурците се безбедна храна, ЕК го привлече вниманието и на фактот дека тие содржат потенцијално алергени протеини, како и дека можат да предизвикаат реакции кај луѓе алергични на ракови, мекотели и грини.
– Може да има дополнителни алергени доколку се присутни во подлогата од која се хранат инсектите. Тоа треба на соодветен начин да биде назначено на амбалажата, согласно законот – соопштија од Агенцијата за безбедност на храна.
Што се однесува до останатото, нема проблем. Штурците ќе бидат пуштени во продажба на дваесеттиот ден по објавувањето на регулативата во Службен весник на ЕУ, а тоа ќе биде наскоро.
Претходно, во октомври, на трпезата беше одобрен миграторниот скакулец, замрзнат, сушен, прашкаст, во форма на грицки или како додаток на одредени јадења, како што е наведено во соопштението на европската извршна власт.
Секако, и во овој случај претходното одобрение дојде од Европската агенција за безбедност на храна, која заклучи дека скакулците се многу хранливи.
– Кај замрзнатите и исушените скакулци треба да се отстранат нозете и крилјата за да се намали ризикот од запек на цревата – предупреди тогаш Европската комисија.
Тие исто така рекоа дека „одлуката да се јаде или да не се јаде инсекти е на потрошувачите“. И оваа уредба е донесена врз основа на барање на холандска компанија.
Пред тоа, во мај, свечено беше одобрен првиот „необичен гостин“ на европската трпеза, ларва од жолтиот црв што може да се користи цела, да се исуши како закуска или во прав како додаток на разни прехранбени производи, како на пр. бисквити или шпагети.
Според европските прописи, црвите на скара може да се ароматизираат и да се јадат како аперитив, а како брашно до 10% може да се додадат во енергетските спортски барови направени од житарки или бисквити.
Оваа лиценца е издадена на барање на француска компанија, инаку зачетник на овој домен.
Таа компанија е специјализирана за правење брашно од црни муви, ларви од црви и штурци.
Целта на производителот е во блиска иднина трајно да ги користи производите од инсекти во исхраната на човекот, а не некој да ги конзумира од љубопитност.
Тие треба да се користат во спортска и медицинска исхрана или, на пример, како замена за месо.
Инсектите досега беа комерцијализирани во ЕУ, но само во продавниците за здрава храна, со посебна дозвола. Сега влегуваат во масовна потрошувачка. Три одлуки за кратко време ја покажуваат намерата на ЕУ да воспостави ваков вид храна.
Неколку други инсекти се на чекање. Европската агенција за безбедност на храна, со седиште во италијанскиот град Парма, моментално разгледува уште десетина барања.
Така, француската компанија со оригинално име „Инсект“, која ја развила состојката на протеини од инсекти без масло, чека одобрение од ЕУ за производство на енергетски шипки.
ВО АЗИЈА Е „НОРМАЛНО“
Југоисточниот дел е богат со деликатеси кои не се за оние со фобии од инсекти или рептили…
Земјите како Камбоџа, Филипини или Лаос имаат неколку специјалитети во нивните традиционални менија како пржена тарантула, а оние кои го пробале ова јадење го опишуваат како благ и сличен на јастогот.
На Филипините можете да пробате јадење што го нарекуваат балут, а всушност е оплодена јајце клетка од патка, со делумно развиен ембрион. Јајцето прво се вари, а потоа се служи и се јаде директно од лушпата со сол, чили и оцет.
Во Кореја, живите морски животни се посебен специјалитет, додека во Кина на пазарите се продаваат лилјаци, скорпии, змии…