На 6 октомври (денеск) Марс ќе биде оддалечен од Земјата само 62,1 милиони километри. Ова е најблиску што ќе и се приближи на нашата планета во следните 15 години.
– Марс ќе биде светла, голема и лесно видлива со или без телескоп. Ние би ви препорачале да ја погледнете мапата на небото за да одредите каде ќе биде Марс на ноќното небо на вашата локација, за да можете да планирате да ја видите планетата… Денот кога ќе бидеме апсолутно најблиску до Марс е 6 октомври, затоа продолжете – пишува Sciencealert.com .
Марс и Земјата се наоѓаат во малку елипсовидни орбити, што значи дека тие можат повремено да се приближат многу едни до други.
– Како и секоја планета во нашиот Сончев систем, Земјата и Марс се вртат околу Сонцето. Но Земјата е поблиску до Сонцето и затоа се движи побрзо во својата орбита. Земјата прави два круга околу Сонцето, додека Марс прави едно такво патување во тоа време – објаснува НАСА.
Додека годината на Земјата трае 356, на Марс, мерена со „Земјини денови“, таа трае 687 дена. Астрономскиот феномен ќе покаже дека Марс изгрева кога заоѓа Сонцето и заоѓа кога Сонцето изгрева.
Американската вселенска агенција исто така соопшти дека во 2020 година ќе бидат снимени невообичаено голем број метеори, кои обично се нарекуваат „стрелачки sвезди“.
Во средината на октомври, само на неколкумина ќе им се даде можност да го видат Марс во својата најспектакуларна позиција.
Марс ќе изгледа посветло и истакнато на ноќното небо со голо око, додека со телескоп ќе биде полесно да се видат некои детали.