Светската метеоролошка организација (СМО) денеска потврди рекордна температура од 38 Целзиусови степени на Арктикот во рускиот град Верхојанск на 20 јуни 2020 година, а тоа е уште еден сигнал за аларм за климатските промени.
„Овој нов рекорд на Арктикот е дел од набљудувањата на СМО за метеоролошките и климатските екстреми и е аларм за климатските промени“, рече генералниот секретар на ОН, Петри Таалас, додавајќи дека на Антарктикот во 2020 година е забележан рекорд од 18,3 степени Целзиусови.
Верхојанск се наоѓа на околу 115 километри северно од Арктичкиот круг и температурата во таа област се мери од 1885 година.
Овој регион на источен Сибир има многу сува континентална клима, што резултира со многу студени зими и многу топли лета.
„Истражувањата покажуваат дека температурата во регионот расте, а тоа е важно за остатокот од светот од климатски аспект. Затоа е важно оваа температура постојано да се следи“, вели Рандал Северни.