Пет члена на американскиот Конгрес од денес се во изолација, меѓу кои и двајца републиканци кои биле во контакт со американскиот претседател Доналд Трамп уште од изложеноста на коронавирусот.
Конгресменот Мет Гец патувал со претседателскиот авион „Ер Форс Уан“, со кој Трамп се враќал во Вашингтон, а објави дека тој бил „во контакт со лице кое било позитивно за коронарниот вирус“ пред 11 дена.
– Иако конгресменот нема симптоми, тој остана дома и ние ги чекаме резултатите од неговиот тест – напиша неговиот тим на Твитер, додавајќи дека тој би бил во самоизолација 14 дена, пренесува Индекс.
Друг републикански конгресмен, Даг Колинс, кој се состанал со Трамп во петокот, изјави дека денес ќе остане во доброволна изолација и покрај тоа што немал никакви симптоми затоа што бил изложен на вирусот на крајот на февруари.
Седум Македонци заразени со коронавирус, 200 во изолација
Колинс беше зад американскиот претседател во петокот за време на официјалната посета на Американскиот центар за контрола и превенција на болести во Атланта, и се ракуваше со Трамп за време на тоа патување.
Двајца конгресмени беа изложени на вирус за време на големата конференција на конзервативци ЦПАК, одржана на 26-29 февруари во близина на Вашингтон.