Една професионална чистачка откри дека омекнувачот не е секогаш најдоброто решение за мека и миризлива облека. Згора на тоа, нејзината употреба понекогаш, вели таа, може да направи повеќе штета отколку корист, особено кога станува збор за крпи…
Според Мирор, чистачката споделила видео на својот ТикТок профил, во кое зборува за проблемите со користењето омекнувач при перење крпи, што побрзо ќе ги уништи крпите.
– Омекнувачот содржи восоци и масла кои ја одбиваат водата, што значи дека ако ги миете крпите со омекнувач, ја намалувате нивната впиеност – вели таа во видеото.
Наместо омекнувач, таа предлага да користите бел оцет за да се ослободите од непотребните мириси на вашите крпи. Потребна е, вели таа, само една шолја бел оцет за да се врати мекоста на крпите и да се апсорбираат што подобро.
Сè што треба да направите е да ги ставите на редовен циклус на перење и потоа повторно да ги измиете со оцет наместо сапун, што ефикасно ќе ги отстрани остатоците од детергентот за перење од ткаенината. Доколку третманот не успее по едно миење, можеби се насобрале премногу остатоци на крпите и во тој случај можете да го повторите миењето со бел оцет.