Во понеделник, четврти ден по ред, во Украина се одржуваат референдуми за припојување на 4 региони кон Русија, иако САД предупредија на „катастрофални последици“ доколку Москва употреби нуклеарно оружје за да ги заштити.
Официјални лица од регионите Луганск, Доњецк, Херсон и Запорожје носат гласачки кутии од врата до врата, придружувани од припадници на службата за безбедност, изјави регионалниот гувернер на Луганск.
Серхиј Гајдаи рече дека имињата на жителите се бришат од списокот ако одбијат да гласаат или ако гласаат неправилно.
„Жена оди по улица и со микрофон ги повикува жителите да одговорат на референдумот“, додаде тој.
„Претставниците на окупаторските сили одат од врата до врата со гласачки кутии. И тоа е тајно гласање“, се прашуваше Гаидаи.
Во првите три дена најголем одѕив забележала изборната комисија на самопрогласената Доњецка Народна Република (ДНР), каде гласале 77,12 отсто од запишаните избирачи, изјави претседателот на Централната изборна комисија на ДНР, Владимир Висоцки.
Руските сили во голема мера ја контролираат територијата на четири региони кои претставуваат околу 15 отсто од Украина, или приближно колку Португалија, додека Крим, анектиран во 2014 година, е со големина на Белгија.
Рускиот парламент – Дума – би можел да ја формализира анексијата во следните неколку дена.
Советникот за национална безбедност на претседателот Џо Бајден рече дека „САД никогаш нема да ги признаат руските претензии за украинските територии што претходно ги анектираше“.
Тој се закани и дека Русија ќе претрпи „катастрофални последици“ доколку употреби нуклеарно оружје против Украина.
Според него, „САД ќе одговорат одлучно“ доколку Русија ја премине таа „црвена линија“.
Сите информации поврзани со најновите случувања со војната во Украина можете да ги прочитате ТУКА.