Четири сантиметри снег во текот на изминатите 24 часа наврнале во Куманово, велат од Управата за хидрометеоролошки работи.
Најмногу снег има на Маврови Анови, вкупно 19 сантиметри, каде утринава е измерена и најниската температура од 9 степени под нулата, додека Куманово се разбуди на -3.
Во текот на ноќта и изутринава времето беше претежно облачно со повремени врнежи од снег и со слаб до умерен ветер од северен правец.
Облачно и не многу студено со повремени врнежи претежно од снег е временската прогноза на синоптичарите при УХРМ за денеска. Пообилни врнежи се очекуваат во источните делови.
Ќе дува умерен, а вдолж Повардарието повремено засилен северен ветер. Максималната температура ќе биде во интервал од 1 до 6 степени.
Во Куманово и околината денеска ќе имаме облачно време со слаби врнежи од снег. Максималнта дневна температура ќе достигне 1 степен над нулата.
Во текот на утрешниот ден во кумановско времето ќе биде облачно со врнежи од дожд и максимална температура од три степени целзиусови.
Никола Ивановски / фото: архива