Честитка од претседателот на Советот, Александар Арсиќ по повод Илинден (видео)

Сподели со своите пријатели

Претседателот на Советот на Општина Куманово, Александар Арсиќ денеска упати празнична честитка по повод Денот на републиката, 2 август.

Овој 2 Август се навршуваат 114 години од Илинденското востание и 73 години од првото заседание на АСНОМ. На 2 Август почнувајќи со Крушевскиот манифест се разбранија вековно втлеените стремежи на македонскиот народ за извојување на слобода, самобитна и самостојна македонска држава. Преку првото заседание на АСНОМ кое беше резултат на долгогодишна борба на македонскиот народ за национална слобода и создавање на своја држава, започна реализацијата на државотворната идеја носена со векови. Пред нас е нова и постојана борба, борба за напредна, современа и достоинствена македонска држава, рамо до рамо со сите европски држави. Со оваа битка ќе биде потврдена вековната определба за еднаквост и рамноправност на сите народи кои живеат на овие простори, на заедничка борба за создавање на самостојна и суверена држава, но и битка за членство во Европската унија и НАТО алијансата. Обединети и со надеж дека повторно ќе успееме да се насочиме кон надминувањето на предизвиците пред кои е исправена современа Македонија, враќање на основните демократски придобивки и праведно општество на слободни, економски стабилни и среќни граѓани кои можат и знаат да споделуваат заеднички вредноси за подобра и просперитетна иднина. Дозволете ми да ви го честитам големиот македонски празник. Нека ни е честит најголемиот државн празник 2 Август, Илинден, Денот на републиката – вели Арсиќ.

Loading...

Comments are closed, but trackbacks and pingbacks are open.