Изјавата на чешкиот претседател Милош Земан дека ги сака Србите, а дека не го сака Косово и најавите дека ќе се обиде да види дали Чешка може да го повлече признавањето на независноста на Косово, властите од Приштина се откажаа од учество на самитот во Прага, објави чешката новинска агенција ЦТЦ, а дека Косово се повлече од учеството на регионалниот самит во Прага, потврдија последователно чешките власти.
„Косово испрати дипломатска нота со извинување за отсуството, откако претходно го потврди своето учество“, рече Јана Адамчова, портпарол на чешката влада, за АФП.
Косово требаше да го претставува вицепремиерот, но чешките домаќини водат преговори за Косово да биде претставено барем на некое ниво.
Реакцијата во самата Чешка беше предизвикана од изјавата на претседателот Земан, откако во вторникот слета на белградскиот аеродром и рече дека тој ја сака Србија и Србите, но дека не го сака Косово. Шефот на чешката дипломатија, Томаш Петшичек, денес се обидуваше изјавата да ја направи како шега, дека претседателот не го сака Косово затоа што тој деновиве го совлада чешкиот фудбалски тим, па затоа не го сака како навивач.
Чешкиот претседател Милош Земан денеска објави во Белград дека за еден месец, на состанокот на уставните власти во Прага, ќе се постави прашањето дали е можно да се повлече признавањето на независноста на Косово.
На прашањето дали Србија може да очекува земја од ЕУ да размисли и да го ревидира својот став за независност на Косово во наредниот период, Земан рече дека тој не е диктатор и не може да ја наметне својата позиција, но дека тоа што може да го направи е да го даде за месец дена на консултација на надлежните органи прашањето дали е можно да се повлече признанието.
Имено, Земан не го дели ставот на чешката влада, која ја призна независноста на Косово.
Тој претходно потсети дека Хашкиот трибунал започна истрага за воени злосторства во Косово, поради што косовскиот премиер си даде оставка.
„Би сакал во врска со ова да го изразам личното мислење дека една земја водена од воени злосторници не треба да биде дел од заедницата на демократски земји“, истакна Земан.