Националната установа Центар за култура „Трајко Прокопиев“ вчеравечер одбележа 40 години од своето постоење.
Во чест на четирите децении од своето успешно работење, установата имаше свечен концерт на кој настапија Весна Гиновска Илкова и Трио Џентлмен.
Пред присутните се обрати директорот Сашо Тодоровски кој рече дека во текот на изинатата година е набавена нова опрема која треба да допринесе за уште поголем развој на културата во градот. Им се заблагодари на сета досегашна поддршка на публиката, и упати благодарност за поддршката од Општина Куманово и Министерството за култура, воедно изразувајќи надеж дека во идниот период таа ќе биде уште поголема.
Јовица Цветковски од страна на НУЦК „Трајко Прокопиев“ доби свечена плакета како знак на благодарност на 40 години работен век поминат во оваа установа, од самото нејзинот формирање.
Никола Ивановски