Руските напори за поправка на мостот на Крим продолжуваат, но малку е веројатно дека тој ќе биде целосно оперативен барем до септември 2023 година, пишува британското Министерство за одбрана на Твитер.
На 8 ноември, патниот мост требаше да биде затворен за да се овозможи движење и поставување на заменски распон од 64 метри.
Ќе бидат потребни уште три распони за замена на оштетените делови од патот.
Иако претставниците на Крим тврдеа дека овие дополнителни распони ќе бидат поставени до 20 декември, на брифингот до претседателот Путин се додаде дека работите на вториот коловоз ќе предизвикаат прекин на патниот сообраќај до март 2023 година.
Замената на оштетениот железнички мост е договорена да заврши до септември 2023 година, иако рускиот вицепремиер изјави дека рокот за поправка ќе се забрза.
Една пруга е отворена, но железничкиот транспорт е сè уште ограничен. Активностите за поправка во голема мера ќе зависат од временските услови во текот на зимските месеци.
Нападот на мостот на Крим ја наруши руската логистика за Крим и јужна Украина, намалувајќи ја способноста на Русија да преместува воена опрема и војници во областа по железница или пат.
Оштетувањето на мостот, неодамнешниот напад на Црноморската флота во Севастопол и веројатното повлекување од Hерсон, сето тоа ја комплицира способноста на руската влада да направи слика за воен успех.
Сите информации поврзани со најновите случувања со војната во Украина можете да ги прочитате ТУКА.