Бујар Османи заминува на балтичка турнеја

Сподели со своите пријатели

По дводневната посета на Република Бугарија, на агендата на министерот за надворешни работи на Република Северна Македонија, Бујар Османи е Балтичката турнеја. Oд денес до петок (9-11 ноември 2022 г) во Вилнус, Талин и Рига, Османи ќе оствари средби со министрите за надворешни работи, Ландсбергис, Реинсалу и Ринкевичс, при што ќе ја реафирмира нашата поддршка за зајакнување на Источното крило на НАТО Алијансата во одбрана на Европскиот континент како последица на променетиот геополитички контекст, ќе го промовира европското досие на Северна Македонија која поминува низ скрининг процесот на Унијата и приоритетите на претседавањето на земјата со Организацијата за безбедност и соработка на Европа.

Loading...
ПРОЧИТАЈТЕ И:  Факти за топ 10 тендери: Заедно тежат околу 172 милиони евра

Во рамки на денешната официјална посета на Република Литванија, министерот ќе оствари средба со својот колега, Габриелиус Ландсбергис и со Спикерот на Сејмот, односно Собранието на Литванија, Викторија Ниелсен. Османи исто така ќе се обрати на Вилнус Форумот 2022 “Иднината на демократијата”, на панелот на тема “„Што ќе ја замени раздробената глобална безбедносна архитектура?” Се планира и посета на НАТО Центар за извонредност за енергетска безбедност (NATO Energy Security Centre of Excellence).

За време на официјалната посета на Република Естонија, во четврток, Османи ќе се сретне со министерот за надворешни работи, Урмас Реинсалу, како и со Спикерот на естонскиот законодавен дом, Јури Рутас. На маргини на престојот во Талин, се планира посета на Естонскиот центар за меѓународен развој и НАТО Центар за извонредност за соработка во сајбер одбраната (NATO Cooperative Cyber Defence Centre of Excellence).

ПРОЧИТАЈТЕ И:  Спасовски: Постигнати се добри резултати во санкционирање на насилството врз жени, но имаме уште многу работа

Во петок, Османи ќе престојува во работна посета во Република Латвија, при што ќе оствари средба со министерот за надворешни работи, Едгарс Ринкевичс, како и претседателот на собраниската комисија за надворешна политика, Рихард Колс. Меѓу другото, се планира и средба со војниците од Северна Македонија кои се дел од словенечкиот контигент.