Бубо Каров го отвори „Тамбурашки фестивал 2016“ (галерија+видео)

Вчера вечер на градскиот плоштад беше отворено 12-то издание на Тамбурашкиот фестивал, а честа први да настапат ја имаа гостите од Кавадарци, триото Гранде плус заедно со нивниот специјален гостин Бубо Каров.

Фестивалот со поздравен говор за отворен го прогласи градоначалникот на Општина Куманово, кој заедно со Советот и Министерството за култура се главните покровители на манифестацијата.

Куманово успеа 12 години да нарпави еден бренд. Бренд кој пошироко на Балканот од овој вид е познат на картата на тамбурашкото музицирање. Јас сум горд што со Нино Величковски, како директор на фестивалот и Советот на општината, 12 години по ред со многу напори успеавме да одржиме еден ваков габаритен фестивел – рече Дамјановски.

Први да настапат имаа можност трио Гранде плус од Кавадарци, но заедно со нивниот гостин Бубо Каров, познат како Цацко од К-15, кој во својот препознатлив стил со по некоја шега и анегдота ги насмеја кумановци.

Потоа следуваше настапот на Градскиот тамбурашки оркестар „Бранко Радичевиќ“ од Рума, Република Србија, групата Амадеус и кумановецот Игор Васиљков, а вечерта ја затвори Ансамблот на  „Здравко Ќосиќ“ од Бања Лука.

Вечерва со почеток во 20:30 часот ќе се одржи и втората фестивалска вечер која ќе ја отворат „Наши тамбураши“ и Нино Величковски заедно со нивните гости Мартинијан Кириловски и Ивона Јовановиќ, а честа да ја затворат манифестацијата ќе им припадне на гостите од Словенија, оркестрите Шмартно од Литија и Цирковице од Цирковице.

Тамвурашкиот фестивал и оваа година се одржува со средства во износ од 600 илјади денари, од кои 200 илјади се од Министерството за култура, а останатиот дел од Буџетот на Општина Куманово.