Британските педијатри сакаат да забранат шамари за децата

Сподели со своите пријатели

Законите мора да се променат за да се осигура дека удирањето дете не се смета за прифатливо под никакви околности, вели Кралскиот колеџ за педијатрија и детско здравје (RCPCH).

Loading...

Имено, во март 2022 година, Велс забрани секаков вид физичко казнување, вклучително и шлаканици, удирање и тресење, додека Шкотска воведе слична забрана уште во ноември 2020 година.

Од друга страна, законите во Англија и Северна Ирска имаат т.н. сиви зони, што значи дека во некои случаи физичкото казнување на децата може да се смета за прифатливо.

RCPCH бара ова да се промени.

ПРОЧИТАЈТЕ И:  Спиењето во иста просторија со домашно милениче го подобрува сонот

„Децата кои доживуваат физичко казнување имаат речиси три пати поголеми шанси да развијат полошо ментално здравје и повеќе од двапати поголеми шанси да доживеат сериозен физички напад и злоупотреба. Телесното казнување, исто така, ја зголемува веројатноста за проблеми во однесувањето во детството, полоши односи со родителите и семејството и појава на агресија подоцна во животот“, објаснуваат педијатрите.

На меѓународно ниво, 65 земји воведоа целосна забрана за физичко казнување на децата, а други 27 се обврзаа да ги реформираат своите закони за да постигнат целосна законска забрана.

Двајца од тројца возрасни веруваат дека физичкото казнување на децата е неприфатливо

„Законите за физичко казнување во Англија и Северна Ирска се неправедни и опасно нејасни. Тие создаваат сива зона каде што некои форми на физичко казнување можеби се легални, но не се“, вели професорот Ендрју Роланд, педијатар и службеник за заштита на децата во RCPCH.

ПРОЧИТАЈТЕ И:  Зошто мажите сакаат да ја чуваат врската во тајност?

Роуланд вели дека педијатарот кој работи во службите за заштита на децата редовно наидува на ситуации каде што се тврди дека детето е физички казнувано.

Loading...

„Поради нејасната природа на законот, многу е тешко да се разговара со семејствата кои се правилата за физичко казнување на децата, што го отежнува разговорот за најдобриот интерес на децата“, додаде тој.

Професорот Роуланд рече дека ставовите на општеството за казнувањето се промениле со текот на времето и двајца од тројца возрасни сега се согласуваат дека физичкото казнување на децата е неприфатливо.