Британскиот министер за надворешни работи, Дејвид Лами, ќе мора да плати казна до 2.500 фунти за риболов без лиценца заедно со американскиот потпретседател Ди Ди Венс.
Тој го сторил тој прекршок за време на посетата на Венс на Велика Британија, односно кога го угостил на неговиот имот, но Лами претходно не добил лиценца за риболов, која секое лице над 13 години кое сака да лови риба, дури и на приватен имот, мора да ја има според закон, пишува Би-Би-Си.
Лами се пријавил во Агенцијата за заштита на животната средина и се соочува со казна до 2.500 фунти.
Канцеларијата на Лами соопшти дека станува збор за административна грешка, поради која не биле обезбедени соодветните дозволи за риболов на приватното езеро, и дека Лами ја купил лиценцата „штом ја сфатил својата административна грешка“.
Агенцијата за заштита на животната средина соопшти дека секој мора да купи лиценца за да ги зачува реките и езерата во Велика Британија.
Лами неодамна го угости Венс во Чивенинг Хаус, во јужен Кент, позната како Градината на Англија.
„За жал, единствениот проблем со нашиот посебен однос е што сите мои деца уловиле риба, но државниот секретар не“, им рече Ванс на новинарите.
Се вели дека уловените риби се вратени во приватно езеро, но сè уште не е познато дали Ванс купил лиценца за риболов.
Нелегалниот риболов може да биде казнет со парична казна до 2.500 фунти, а на прекршителите може да им се конфискува опремата за риболов.
Агенцијата за животна средина соопшти дека во февруари, шест рибари биле прогласени за виновни за нелегален риболов во Лондон и колективно биле казнети со парична казна од 2.182 фунти.