Владата на британскиот премиер Риши Сунак ќе потроши дополнителни пет милијарди фунти (околу шест милијарди долари) за надополнување на резервите на муниција и финансирање на следната фаза од американско-австралискиот поморски пакт (AUCUS), објави Ројтерс.
Сунак, кој моментално е во САД, ќе ја претстави својата цел за зголемување на воените трошоци на долг рок до 2,5 отсто од бруто домашниот производ.
Сунак рече дека зголемувањето на инвестициите во војската е еден начин да се осигура дека Британија „никогаш повеќе не е ранлива на акциите на непријателските сили“, но некои во Конзервативната партија велат дека е неопходно да се инвестира двојно повеќе во војската за да се поддржи Украина без да ја остави Британија ранлива, според Ројтерс.
„Во време кога светот станува се понестабилен, а конкуренцијата меѓу земјите се поинтензивна, Британија мора да биде подготвена да застане цврсто. Ќе ја воспоставиме нашата национална одбрана, од економската безбедност, до синџирите на снабдување со технологија и до разузнавачката експертиза, за никогаш повторно ќе бидеме ранливи на акциите на непријателските сили“, рече Сунак.
Министерството за одбрана соопшти дека министерот Бен Валас е „воодушевен“ од изјавата на Сунак, особено што доаѓа во тешки економски времиња.
Сунак во недела разговараше со американски претставници, а денеска ќе има серија разговори со американски и австралиски претставници, кои исто така се во Вашингтон.